Gipuzkoa izaera komunitario indartsuko lurraldea dela esan ohi da. Ezin da ulertu gure lurraldea, ekonomian, hezkuntzan, euskalgintzan, gizarte babesean, kiroletan edota herrigintzan, esate baterako, garatu diren egitasmo komunitario eta eraldatzaileak kontuan izan gabe.
Baina indibidualismoaren eta globalizazioaren garaiotan Gipuzkoa ez da irla bat. Beraz, komunitatearekiko konpromiso eta lankidetza kultura ahultzen ari direnean, nola lortuko dugu merkatu globalean lehiakorrak izaten jarraitzea?, nola lortuko dugu geure nortasun kulturala eta aniztasuna kudeatzea? nola lortuko dugu ezberdinkeriei aurre egin eta behar dugun ongizate maila bat garatzea? eta, batez ere, nola lortuko dugu sistema demokratikoa mantentzea?
Gipuzkoa hitzaren lehen aipuaren milurtekoaren testuinguruan, komunitate gisa ditugun erronken inguruan hausnartu eta galdera hauei erantzuten ahaleginduko gara, “ Komunitate izaeraren eta balioen eragina Gipuzkoaren etorkizunean: Demokrazia, Aniztasuna, Babes sistema, Lehiakortasuna” jardunaldi zikloan.
Bigarren jardunaldi honetan, komunitate izaeraren eta enpresen lehiakortasunaren arteko bi norantzako eraginaz jardungo dugu.
Izen-ematea
Parte-hartzaileak
Stephan Garelli
Lausanako Unibertsitatea
Munduko Lehiakortasuneko irakasle emeritua, IMD Business School, Lausanako Unibertsitatea, Suitza.
IMDren Munduko Lehiakortasun Zentroaren sortzailea. Davoseko Munduko Ekonomia Foroaren eta urteroko bileren zuzendari nagusia ere izan zen 13 urtez. Sandoz FF Financial Holding-eko presidentea.
Sarah Chaytor
University College London
University College London-eko Estrategia eta Politikako zuzendaria, eta Ikerketa, Berrikuntza eta Konpromiso Globaleko pertsonalaren alboko burua. UPEN Unibertsitateen Partaidetza Politikorako Sarearen sortzailea eta presidentekidea.
Josu Ferreiro Aparicio
Euskal Herriko Unibertsitatea
Euskal Herriko Unibertsitateko Ekonomia katedraduna. Cambridgeko Unibertsitateko Center for Economic and Public Policy, Oportoko Unibertsitateko NIFIP eta Forum For Macroeconomics and Macroeconomic Policies (FMM) erakundeetako kide elkartua.
Mari Jose Aranguren Querejeta
Deustuko Unibertsitatea
Donostiako Campuseko eta Erakunde Harremanetarako Errektoreordea eta Deustuko Unibertsitateko ekonomia katedraduna.
Aitziber Elola Ceberio
ORKESTRA Lehiakortasunerako Euskal Institutua
Ikertzailea.
Ane Izulain Alejos
ORKESTRA Lehiakortasunerako Euskal Institutua
Ikertzailea.
Jon Ander Arzallus Galparsoro
GUREAK Taldea
Berrikuntza zuzendaria.
Joseba Azurmendi Zabaleta
ORBINOX Group
Zuzendari nagusia.
Aritz Kanpandegi Berrotaran
Mondragon Unibertsitatea
Ikertzailea. LANKI Kooperatibismoaren Ikertegia.
