Plaza podcastak

Digitalizazioak eta sare sozialek harremanak eraldatu al dituzte? Nola eragiten die haur eta nerabeei pantailekiko dugun menpekotasunak? 16 urtetik beherakoak sare sozialetatik kanpo utzi beharko genituzke? Jon Fernandezek zuzenduta, horretaz guztiaz hitz egin dugu Aiora Larrañaga, Manu Machimbarrena, Estibaliz Linares eta Telmo Lazkanorekin batera.

PLAZA podcastaren atal berria, non ongizate fisiko eta emozionalaren garrantziaz hitz egin eta hausnartu dugun Gabriela Uriarte nutrizionistarekin, Kike Esnaola psikologoarekin eta Mikel Aramendi fisioterapeutarekin batera.

Atal honetan, Adimen Artifizialaren erronkak, aukerak eta mehatxuak aztertu ditugu. Teknologia horren garapenak ekar ditzakeen aukera berriez eta sortzen dituen zalantza etiko zein sozialez aritu gara Leire Lison, Eneko Agirre, Xabi Murua eta Arantza del Pozo solaskideekin.

Nor garen eta nola harremantzen garen ulertzeko gakoak landu ditugu atal honetan, begirada pertsonal eta kolektibo batetik, Beñat Olea Irureta, Euskoprincess, German Urteaga Garmendia eta Xabin Fernandez Zubeldiarekin batera.

Nor zen Antoine Abadia? Anton Abadia abenturazalea Nilo ibaian gora bezala, adimen artifizialaren ur arriskutsuetan sartu dira Goiatz Oiartzabal, Badalabeko zuzendaria, eta Harkaitz Cano idazlea.

Demokraziak mehatxatzen – eta eraldatzen – dituzten erronka garaikideak aztertzeko podcast-a: populismoaren gorakada, polarizazio politikoa eta potentzia berriek oreka geopolitiko globalean duten eragina.

Nerea Alias aurkezlearen eskutik, Olatz Salvador musikariak, Maider Galardi ikerlariak, Alazne Apalantza fisioterapeutak eta Eider Mendoza diputatu nagusiak beraien bilakaera feministaz eta gizartean feminismoak duen lekuaz hitz egin dute.

Nola hedatu da antifeminismoa eremu digitalean eta ze forma berri hartu ditu matxismoak? Ainhoa Vitoria kazetariak gidatuta, Aitziber Gredos eta Malen Altuna podcasterrek, Amancay Gaztañaga sortzaile eta ekintzaileak, Eider Goiburu hezitzaile sexualak eta Eider Mendoza diputatu nagusiak gogoeta egin dute elkarrekin.

Aitziber Grados eta Malen Altunak gidatuta, ongizateaz eta osasun mentalaz hitz egin dugu Kike Esnaola, Irati Perez eta Adriana Uribesalgorekin batera.